ANCORA
WALTER BASSO:
"Ausiliari del
trafico"?... andè a...
Dopo
votassion: desso sì che stemo ben
E
basta co tuto sto balon in television
Erbivoro? No
grassie!
Figari e cuafer
I cicristi domenicali
Intervista a Walter
Basso
L'era
dei maleducati e dei selvadeghi
Le
banche a ramengo suo
Le me prevision par
el 2009
Le partense
inteligenti
Notissie una più
inbessile de st’altra
Numari
verdi e resie
Parenti
serpenti... gran verità
Pubricità ala
bojona!
Principi canterini & Pubricità bancarie
Nove novità sule Poste!
|
Walter Basso, gentile consorte
e s-ciapo de amissi
par el servissio co Moreno Morello
sule trufe dele agenzie vacanse!
|
Nove Novità
sule POSTE!
Dio solo sa quanto fastidio me da parlare dele Poste Italiane: par mi ze rognoso come avere un brusco drento na recia o piantarme un bacheto inte un ocio, ma di fronte al’enesima provocassion che sto dinosauro, che no voe estinguarse, ne propina a mi a ala me categoria de editori no posso esìmarme. E alora corajo spieghemo al poplo el grado de nefandessa ragiunto in sti giorni: de punto in bianco, overo gaton gatoni, cojon cojoni, el Governo (d’acordo co le Poste) ga deciso de cavare quele quatro agevolassion che le poste ne dava par jutare l’editoria (sconti par spedire i libri e il giornali in grandi quantitativi). Pensè: Governo e Poste d’acordo par inchiapetarne: el Governo ne tien fermi e le Poste ne inchiapeta. E sensa avertire: dopo che se gavemo fato un dadrìo cofà un pitaro par stampare buste come voe lori, stanpare etichete come voe lori, portare i plichi dove voe lori, fare un contrato che ne inpegna tuti e do, sensa avertire nessuno de colpo basta… finìo tuto. Se paga a presso pien… Ma se fa cussì??? Maleducati e selvàdeghi che no sì altro…. No basta el pessimo servissio che findesso ne gavì propinà? No basta che i ufici sia deventà bazar dove se cata de tuto (dal cidì de Fiasco Rossi al libro che tra le varie robe ve manda ramengo, dal forno a microbonbe par cucinare el pesse ala carta da snetarse el dadrio) ma manca senpre i francoboli?... No basta che su tre inpiegati do sia incalmai co l’oco e no sapia gnente de gnente (forse le assunsion vien fate in base al peso e al’altessa)?... No basta che le numerassion par acedere ai sporteli dei ufici grossi para studià da un vecio Einstain afeto da Alzaimer e che par spedire na lètara bisogna torse na giornata de ferie?... No basta che ogni trenta secondi un conpiuter seincioda e se no se incioda el conpiuter se incioda la stanpante e se el computer e la stanpante no se incioda se inpunara l’inpiegato che pare na galina col snaro e che par spedire un paco ghe voja meza ora?... Par farve capire el grado de parfeta funzionalità dele Poste Italiche ve conto un anedoto: na volta me jero messo in testa de farghe dare na potente supa tramite un programa televisivo che scopre le trufe (chissà de che programa se trata)… Par fare questo go deciso de spedire tre pachi compagni gualivi de stesso peso, stessa misura e inviai al stesso indirisso co spedission “piego di libri editoriale” da tre ufici diversi. Beh, nel primo dopo perplessità enormi del “impiagato” (de sicuro el aveva da avere le piaghe sul dadrio), consultassion estrema de carte e videate de conpiuter me ga fato pagare € 2,90. El secondo dopo averse gratà parplesso la suca e le bale ga interessà el diretore e dopo concitate discussion me ga fatto pagare € 5,90.. E el terso?: el terso me ga passà diretamente el diretore che, suando come na carogna, telefonando de qua e de là e probabilmente intajàndose che gero drio sercare de tanponarlo analmente se ga rifiutà de farme la spedission in quanto non in grado de gestire la roba in modo esato. Ve giuro che ze tuto vero. Purtropo par vari motivi dopo no go portà vanti la roba e me despiase davero parché darghe na spirituale, ma potente, slepa sui denti davanti a sto mostro pelandron ma ingordo ze el sogno dei me ultimi venti ani! Scuseme e se sentimo el mese che vien!
Walter Basso
ORDINA SUBITO STO CAPOLAVORO
CHE TE SPIEGA LA BIBIA COME MAI NESSUN GA MAI FATO...
IN VENETO E RIVISTO DAL’AUTORE PIU’ SBOCALON DELE TRE VENESSIE
Ed. Scantabauchi srl Via Straelle di Rustega, 29
35012 Camposampiero PD - fax 049.5794781
Email: info@edizioniscantabauchi.it
cell. 335.8315665 Walter
www.edizioniscantabauchi.it
|