ANCORA WALTER BASSO:
"Ausiliari del trafico"?... andè a...
Dopo votassion: desso sì che stemo ben
E basta co tuto sto balon in television
Erbivoro? No grassie!
Figari e cuafer
I cicristi domenicali
Intervista a Walter Basso
Le banche a ramengo suo
Le me prevision par el 2009
Le partense inteligenti
Numari verdi e resie
Parenti serpenti... gran verità
Pubricità ala bojona!
|
Esenpio de do persone
educatissime: Walter Basso
con Tony Pagliuca
compositore ed ex tastierista
de Le Orme
a Radio Gamma 5
|
L’ARTICOLETO AL CREN
L'ERA DEI MALEDUCATI E DEI SELVADEGHI
Sto mese parlemo dei maleducati, overo de quele persone selvàdeghe e incivili che pare avere nela vita l’unico conpito de spacare i maroni ale persone sobrie e parben come par esenpio el sotocristo che invesse tendarìa a farse i afarassi sui lontan da rogne e casini. Partendo dala base se pol dire che “mone de nasse e maleducati se diventa”. Infati ze fassilissimo nàssare co la facia da mona mentre ze difissilissimo nassare porchesando e diséndoghe sù de tuto al ostetricio e ale infarmiere. A far diventare uno maleducato ghe pensa a so tenpo so pare e so mare e i noni. Infati quando un putin de tre ani taca a porchi e resie o a dire putanade sarìa roba sagia chel vegnesse omagià de un paro de potenti slepe sui denti davanti o de na rata de sonori peladoni sul bero (el sarìa l’osso sacro). Co sto simpatico metodo educativo el bocia vegnarìa su incalcà de boni sentimenti parché tuti lo sa che “i toseti ze come le melansane: par farle vegnere su drite ghe voe el baston!” Invesse de solito i genitori e i noni se la gode, taca ridare come se el putin fusse un comico de Zelig e la fortaja ze fata. Ed eco che el fanciulino pian pianeto deventarà un parfeto maleducato che te vegnarà in coste solo par peladarte i garìtoli, par tirarte i peli dele rece e par dopo vardarte ben de profilo sigando: “Ciò mama sto omo qua ghe someja spuà al cavaron da monta de Toni Broca!”, tra le ridade estatiche dei do èbeti che funge da genitori. Col sarà grando el selvàdego andarà a lavorare in uno de setori: poste italiane, ufici statali, politica ativa, television setore dibatiti e realiti siò. Par averne conferma basta vardare le riunion a Monte e Citorio indove i cosideti ministri se insulta disendose robe brute tipo: “Lei è un fassista porco” Lei invesse sono un comunista di mer…” opure “ Si vergogni che sua mama era una escort”… “Invesse la sua era na curiera… Infati la montava tuti!”, po’ i se spua dosso, se ciapa a slepe e crognoli sule teste davanti al popolo de alochi (che saressimo noialtri)… Come se no bastasse dopo i va in television e qua i fa el resto: i parla tuti insieme, ansi i siga, i spuacia su par el vero dela telecamera e a ti che te sì inpiocà sul divano par rilassarte un poco te vien sù un nervoso can che te finissi par stuare tuto e mandare a fàrselo métare tuti i politici italiani siano essi de destra, sinistra, centro, in parte, davanti e dadrio (questi in sta posission ze i più pericolosi). Anca serti partecipanti dei relati siò se la cava puito: la lota par vìnsare avien a son de ruti, scorese, sparolasse onte e discorsi da mone… Dopo la vitoria i ze parfeti par andare a inpestare tuti i canali televisivi anca lori sparando stronsade a marteleto o a sbrenaverta.
No vojo assolutamente parlare dei maleducati ale poste e nei ufici statali parché senò me se alsa la pression del sangue sanguigno e me vien anca la batarela (vìulgo “tachilacardia!”). Termino citando, par conpletessa de informassion, raquanti maleducati famosissimi: Vitorio Sgarbi che ga ragiunto vete insuperabili, l’avv. Ghedini (quelo inquietante che pare el fiolo de Dario Argento e che sghignassa de continuo coi altri parla), Giuliano Ferara (el più grosso incivile conossuo), Maurissio Mosca e Aldo Biscardi che parla par gnente da na vita… Par no dire de Emilio Fede che ze un maleducato doc de primo livelo super. E serte done artiste come la Parieti o la Marini (se fa tanto par dire!)? Stendemo un velo pietoso. Ve cito solo un vecio proverbio che pare fato aposta par ste càncare de femene: “Done, cani e bacalà ze più boni se ben pestà!”… Naturalmente dai consili de sto sagio proverbio ze escluse tute le nostre done e le letrici de Passaparola!!! Persone parben e educatissime!
El calendario 2010
Un ano intiero de sorisi e alegria… oroscopi mone, barzelete, vignete, rubriche mate e in più do giorni de vita in omagio a tuti!!!.. Solo € 5,00
Lo catè nele edicole, cartolibrerie e librerie… senò ordinalo a:
Ed. Scantabauchi srl
Via Straelle di Rustega, 29 35012 Camposampiero PD
fax 049.5794781
Emailinfo@edizioniscantabauchi.it cell. 335.8315665 Walter
www.edizioniscantabauchi.it
|