ANCORA WALTER BASSO:
"Ausiliari del trafico"?... andè a...
Dopo votassion: desso sì che stemo ben
E basta co tuto sto balon in television
Erbivoro? No grassie!
Figari e cuafer
Intervista a Walter Basso
Le banche a ramengo suo
Le me prevision par el 2009
Le partense inteligenti
Parenti serpenti... gran verità
Pubricità ala bojona!
|
Foto dell’autore durante una sua presentazione.
Domandiamo scusa: l’impaginatore, amante degli animali in sorte, deve aver sbagliato foto
|
L’ARTICOLETO AL CREN
I CICRISTI DOMENICALI
No sò se gavì mai osservà ma ogni ano, co riva prima la primavera e po’ l’istà, ghe ze na invasion difarente de bestie o inseti che ronpe mortamente le bale… Me spiego mèjo: na volta ghe ze nuvole de zanzare che beca maledetamente, n’altra volta riva i mussati o i papatasi o, mèjo ancora, i àlbari se inpesta del bruco american (the american bigat) e cussì via. Ma l’invasion pèzo che se ripete ogni ano co costansa che ga del diabolico ze quela dei “ciclisti dela doménega”. Tratassi de quei òmeni vestìi come pajassi del Circo Togni (braghesse curte e majete co dei colori che fa a pugni tra de lori), sentai sora dele marse de bicicrete cosidete “da corsa” che va de culobuson de qua e de là par le strade “par fare un poco de sprò co relativo movimento” (dise lori), “ par intrigare e dare fastidio al popolo” (digo mi). Infati cossa fai sti infami sassini?: se se trata de un bicicretista solitario questo, convintissimo de èssare la reincarnassion de Pantani, el se inamorarà del bagaliaio dea to màchina che tenterà de basare in corsa e ti, dopo tre chilometri che te viaji co sto mona tacà dadrio, te trategnarà dala voja de frenare de colpo, fasendoghe batare el bàbio in tera e spacarse i denti davanti, solo la paura dela galera. Se i ze in tanti (overo in “s-ciapo”) invesse i corarà “a paro” (in italian “appaiati”), briscolando come dei èbeti par la fadiga fasèndote ciapare dei tremassi boja in quanto no te riessi a sorpassarli e ogni tre secondi te pararà te uno te finissa sóto ale rode… Alora te tachi stronbetare e sigarghe robe brute fora dal finestrin otegnendo che, co estrema calma, dopo sirca diese minuti, i malnati se mete in fila indiana e ti te poi sorpassarli vardàndoli sui oci e mandàndoli a farselo métare uno par uno. Par no parlare po’ dele gare sportive: ogni paese i ghe ne fa come minimo una al’ano e i la fa de domenega matina verso le diese brocando el trafico sensa nessun preaviso. Cussì ti che te sì drio andare par i importantissimi cassi tui, de colpo te te cati fermo na eternità par védarte sfreciarte soto al naso venti scalmanai (raramente i ze de più) che mena torno le ganbe cofà eliche de un liocotaro solo par sercare de portarse casa na marsa de na copa che costa da sì e no diese euri e che i podarìa cronparse tranquilamente dal feramenta soto casa. Pena passà el grupone ti te speri ardentemente che i versa el trafico e invesse no… Manca a l’apelo l’ultimo, overo el nono incalcà de dolori artistici che riva dopo n’altro quarto d’ora, pantesando cofà un treno a vapore in salita, suà come na bestia, paonasso come un pito, cole balote dei oci fora dala testa de un boni quìndase centimetri e che, sul’orlo de un infarto seco se tracana un litro e meso de aqua minerale, par finire intel fosso ala prima curva co la bicicreta e tuto. Par fortuna che dadrio el ga l’anbulansa che lo carga su e lo mena al centro coronario più vissin… Digo mi: ste marse de gare, che no serve a grinte, no i podarìa farle dale do ale quatro de note de luni vegnendo marti? E tuti st’altri sportivi siolti parché no i core drento le piste cicrabili ronpendogle cussì le bale solamente ai sui di loro coleghi?.. Qualcudun me dirà: “Parchè semo in democrassia e tuti ga dirito de doparare le strade!”… “Ah sì? - rispondo mi - mi no sò d’acordo: anca parché gò votà monarchia!”.
a cura de Walter Basso
www.edizioniscantabauchi.it
|