ANCORA WALTER BASSO:
"Ausiliari del trafico"?... andè a...
E basta co tuto sto balon in television
Erbivoro? No grassie!
Figari e cuafer
Intervista a Walter Basso
Le banche a ramengo suo
Le me prevision par el 2009
Parenti serpenti... gran verità
Pubricità ala bojona!
|
Walter Basso vestio da muraro co Moreno Morello durante la registrassion de un servizio a Colonia in Tedeschia Germanica.
|
L’ARTICOLETO AL CREN
ERBIVORO? NO GRASSIE!
Credo ormai de aver scrito un poco de tuto su sta simpatica rivista che me ospita e me permete de sparare cassade in quantità industriale. Ghe ze però un argomento che me stà a cuore del quale non gò mai parlà e cussì sto mese vojo rimediare. Me riferisso a tuti quei che no magna carrne e che se ciama, non sò ben sicuro, “animalisti, verdi, vegetariani, verduristi”… A parte el fato che i dovaria a semplicemente ciamarse “erbivori” che ze el termine più adato, a mi ste persone me stà un pocheto sui peri… Un pocheto digo, anca parché i ga el bruto vissio de volerme convìnsare che lori ze intel giusto e mi intel torto. A parte el fato che mi sò altamente democratico e rispeto le idee de tuti (anca se sò convinto che chi no la pensa come mi ze mona), ghe ze anca el fato no indifarente che MI gò senpre rason e LORI ga TORTO, ma no un torto qualsiasi ma bensì un TORTO MARSO… Ma porto subito ala vostra atension le me considerassion: primo el sig. Dio ga fato l’omo onivoro (vol dire chel magna de tuto, come i porsei) e ghe ga dà ordin precisi de dominare su tuto el mondo bestie conprese e quindi anca de magnarle. Infati se no’l voleva che l’omo magnasse carne el gavarìa fato le bestie de verdura. Po’ anca al sig. Dio ghe piase la carne infati na volta col parlava col popolo (desso ze domie anoi che no’l parla più co nessun, gnanca col papa chissà come mai!) el ordinava senpre come omagi grandi grilate de polastrei, piti, favarone, agneli, cavare e bò!... Prova ne sia chel amava teneramente Abele che ghe faceva su ste grandi griliate e odiava fieramente Caino che ghe ofriva solo verdure ai feri (tipo, verze, capussi, coe de radici, pevaroni e melanzane). Quindi i erbivori va contro la lege divina e ze pecatori porchi. Secondo: no i ze coerenti parché quando che i ciapa, par esempio, la brancopalmolive par stare mejo i toe i antibiotici che copa i microbi che pur essendo pichenini (chissà come che i farà tronbarse picoli come che i ze) sempre bestie i ze. Se i ama i animali, come che i dise, i dovaria morire lori ma no copare i microbi. Terso: serti no magna le bestie fate de carne ma i pessi sì. Se vede che par lori i pessi, co a scusa che no i parla, no sofre co i vien tirai fora dal’aqua co un amo in boca!... Inoltre mi gò osserva che i animali più quaji ze erbivori: vedi el musso, el cavaron Astianatte de me amigo Bustreo, i bò, le piègore, el camelo el lionfante… Invessi i più forti e astuti ze onivori: la faina, la volpe, el lion, la tigre dela magnesia, el cucodrilo, el ghepardo che core più forte dela gazela. E lo dise anca el proverbio: “Mèjo un giorno da leon che sento da piegoron!”. Infati che i umani erbivori no sia propriamente dele volpi ze dimostrà da un episodio che me ze tocà personalmente. Na sera, che gero a sena co un s-ciapo de zente, uno de sti personagi vardando prima la bistecona al sangue che avevo intel piato atornià da na montagna de patate frite po’ mi come se el vedesse na caca de can randagio el me ga dito in italian parfeto: “Ma lo sa, caro sior, che lei sono dietro a mangiare un cadàvaro?... Al che mi tranquilo risposto: “ Ah sì?... E alora?”, “E alora lei sono un selvagio!”… Mi gò varda l’ovo al’ocio chel bauco gaveva sul piato insieme co un smerdaro de salate e radici e gò dito: “ Ma lei, caro sior, lo sa che l’ovo che sta magnando e che viene fuori dal sedere-culo dela galina non sono gnentepopodemanco che la mestruassione del penuto? E, caro el me sior, lo sa che se putacaso il galo ha fato il suo dovere tronbandosi la galinela lei oltre ala mestruassione magna anca lo schiceto del galo?”… E sensa spetare risposta me gò zontà un sentito: “Quindi lei sior è un monna!”.. Ve ze ciaro desso come mai mi gò senpre rason??? Buongiorno e ossequi alla gentile signora.
a cura de Walter Basso
www.edizioniscantabauchi.it
|