ANCORA WALTER BASSO:
"Ausiliari del trafico"?... andè a...
E basta co tuto sto balon in television
Erbivoro? No grassie!
Figari e cuafer
Intervista a Walter Basso
Le banche a ramengo suo
Le me prevision par el 2009
Parenti serpenti... gran verità
Pubricità ala bojona!
|
|
L’ARTICOLETO AL CREN
LE ME PREVISION PAR EL 2009
No lo sò se lo savì (se no lo savì vol dire che no sì informai) che mi so un mago svegente, sensitivo, paragnostola, parastatale, parac...o e tanto altro che no sò bon de scrìvare. Indi, onde, parcui (vibratori par ghei) ve farò na intensa anca se sucinta prevision par el novo ano che al confronto quele fate dai vario pajassi vestìi da maghi tipo Ponphelma, Mago de Arcela e quelo de Busiago ze dele cagadine fate fora dal bocae. Alora tacon (come dise me barba Rtemio da Montebeluna): l’ano tacarà (e finirà) co i italiani che strenze maledetamente le ciape (tanto che su par el dadrio no ghe passarìa gnanca un ago da sartore), caminarà strissiando le stesse ciape drio ai muri e no se cuciarà mai par tirare su calcossa cascà par tera. Come mai sto fenomano? Alimentare Uotson: i gavarà un teribile presentimento: quelo che da un momento a n’altro podarìa rivare velocissimo par dadrìo qualche oseo padulo intensionà a farse el gnaro dove no bate el sole… Oseo padulo de qualche ministro che ze comodamente sentà a Montecitorio indove el magna come un porseo da grassa, beve cofà un pessegato, scoreza cofà un musso parché ze un fan de Michelasso ( magna beve e no fa un c…)… Par tranquilisare l’opinion pubrica rl Presidente del Consilio consiliarà de rilassarse, respirare a fondo, farse su le màneghe e strènzare i pugni. Cussì i andarà ben a catarne la vena e cavarme chel poco de sangue che ne resta. Po’ i gnacarà na tassa sul respirare a fondo (consumo esagerato de aria publica), una sula pele nuda dei brassi (oltragio al pudore), e l’ultima sul strenzimento dei pugni (minacia ale istitussioni co finalità teroristiche)… Cussì el popolo de cui me onoro de far parte disarà robe brute contro i assessori comunali, i sindaci, i presidenti dele provincie, queli dele rejon, i ministri, i deputati, i presidenti del Consilio e quelo del Senato e contro le mame de tuti questi… Qualcun de sbasfemo disarà robe orende anca contro la ciesa cristiana i i so inpiegati (cardinali e similia) e cussì se prenotarà un posto al caldo in coste a Lucifero in inferno. Le uniche che sarà contente sarà le done verso novembre in quanto, a dita dei colonbreli del’aeronautica civile che fa le prevision sarà in arivo un inverno “longo e rigido”, proprio come piase a lore… E con questo mi gò finìo e ve consilio de tenere i oci senpre ben verti parché se ze vero che la vita ze na tenpesta, ze altretanto vero che ciaparlo in fioco ze un lanpo.
Foto Walter Basso con didascalia.
Basso el sublime autore co Moreno Morello e stafffs durante na pausa dele riprese par Striscia la Notissia a Colonia in Tedeschia Germanica.
Pubblicità Solita senza riferimenti al Natale se c’è!!!
a cura de Walter Basso
www.edizioniscantabauchi.it
|