E' USCITO IL DVD “FILò 2009”…
DIRETTO DA WALTER BASSO!
Girato
in una vera stalla veneta, con la durata di circa 50 min, Filo' 2009 ti
fa riscoprire una della più belle tradizione del nostro veneto. Per
sorridere, ridere e, perché no?, riscoprire la nostalgia di un tempo
che fu!
Puoi ordinarlo scrivendo a Ed. Scantabauchi srl
Via Straelle di Rustega, 20 - 35012 Camposampiero PD o faxando al 049.5794781, oppure via email a info@edizioniscantabauchi.it
ANCORA WALTER BASSO:
"Ausiliari del trafico"?... andè a...
E basta co tuto sto balon in television
Erbivoro? No grassie!
Figari e cuafer
Intervista a Walter Basso
Le banche a ramengo suo
Le me prevision par el 2009
Parenti serpenti... gran verità
Pubricità ala bojona!
|
|
PUBRICITA’ ALA BOJONA!
Sto mese parlemo un poco dele pubricità che se vede in television. I ghe ne fa na paca in tute che le sia de stato o private.
. Su quele private i ghe ne fa un poche de più cussì mi che le vardo tute me ronpo le togne parchè, sti cancari, ogni tanto le interonpe par farme védare un toco de filme. Ghe ne ze par tuti i gusti ma, se vardè co atension, vedarì che le più insulse de tute ze quele fate par le casalinghe… Ghe ze fémene che sneta dele case che ze dei grandissimi loamari co cani e bocie onti come porsei da grassa che camina perdendo paltan e melma par tuta la casa co le mame vestìe da festa che invesse de ciapare a paponi i boce e a calci in culo i cani (come farìa me mojere) sacheta soridendo le teste cotonae soridendo lievemente. Dopo le ciapa un strasso e un bussolotto de prodoto magico e in tre secondi le sneta tuto!...El top par le done comunque vien ragiungo par i assorbenti: dopo queli co le ali (par quele che ghe piase i osei), queli invisibili anca ai radar (par le done pilota) desso ghe ze dito de “petola blu” che no gò capìo che efeto fassa… Invesse par publicisare na caramela che beca i ga inventà un squajatolo scoreson che trà na viola micidiale che giassa un bosco in fiame. N’altra version fa invesse scoresare un pinguin che fa su un aisberg tipo quelo che ga afondà el Titanic. Un famoso mulin de colore ciaro invesse publicisa un biscoto fato coi ovi del nono. Me nono se ga inpressionà e passa tuto el dì inciavà in camara. El ga paura che i vegna castrarlo. Par farne comprare un parfumo firmà dal solito slandron de stilista invesse i fa dei spot in inglese, ermetici, che no se capisse un’òstrega… Se te vedi solo el finale te credi che i sia drio publicisare tochi de ricambio de na màchina infati pare che i disa. “Parafan deodoran”… Par no parlare de n’altro spot indove uno ala volta na paca de zente che camina par strada dise “O mai good”… Mi la prima volta che lo go visto pensavo che i fusse drio porchesare, che ne so parché i gaveva pestà na caca de can, invesse i gera tuti drio amirare ma màchina!... Dulcis in findus (mi sò anca el latin!) ve consilio de vardare quelo de un famoso liquore luamaro che va in onda da na vita indove uno ciapa un lioprano, e in mezo a un tenporale core da do amissi che ga trato fora dal mare un vaso de teracota meso marso e salva vaso e i do mone. Po’ i se ciava un biciarin tuti insieme e i ride. Na volta sto spot lo faceva un veterinario che salvava na bestia (un vedeo o un cavalo, no me ricordo) e po’ se ciavava el biciarin coi amissi. Purtropo el veterinario ze morto de cirosi epatica e i lo ga sostituio. Un dubio atroce me sorge par le pubricità dei magnare par i gati: i publicisa scatolete co patè de figà, co carne de conejo, de salmon, de polastro co le verdure, de manso e de ton… Digo mi: ma parcossa no fai na scatoleta al gusto de sorze chel gato gradirìa de più e tute st’altre carni no i le manda in Africa indove i toseti more de fame?... Mah solo Dio lo sa!!!... Me desmentegavo: auguri de Bone Feste a tuti quele persone inteligenti che conpra i me libri e che leze Passaparola… De st’altri no poe fregarmene de manco!
|